Informasjon

Download:  Bilder

Ulvesund fyrstasjon

Ulvesund Fyr er bygd i 1870, og vart automatisert i 1985. Det ligg på Hjertenes ved Osmundsvåg, ytterst i Ulvesundet, i Vågsøy kommune i Nordfjord. Næraste by er Måløy. Dette led- og innseglingsfyret vart tent i september 1870, og avbemanna og automatisert i 1985.

Fyret er eitt av fire fyr som viser båtane trygt rundt Stadt, som er det verste havstykket i Norge. Ulvesund Fyr er eigd av Kystverket Vest, og er drive av Sølvi Helen Hopland Aemmer sidan 2003.

Fyret vart restaurert sommaren 2003, og opninga for offentleg drift fann stad 8.-10. aug. 2003. Drifta består av utleige, overnatting, servering, kulturellt program og fyrkafé med utstilling og kreative aktivitets-tilbod. Fyret skal bringe lys, og drivast av eit enkeltmannsforetak, men med idealistisk tilnærming. Det skal vere ein stad som gir mestring og livsglede til barn, ungdom, vaksne og eldre. Hjertelys og hjertevarme er viktigare enn comfort og mange stjerner. Vi ønsker å legge til rette for opplevingar som lyser opp livet og gir gode minner.

Ulvesund Fyr ligg lunt og stille til inne i Ulvesundet, omgitt av ein solrik hage som bugnar av blomar og bær. Her har ein full oversikt over båttrafikken og det skiftande lyset i Sildagapet, og kan nyte fargerike og fredfulle solnedgangar.